მაღალმთიანი გეოგრაფიული რელიეფიდან გამომდინარე, საქართველოს მრაველფეროვანი განახლებადი ენერგო რესურსის ათვისების შესაძლებლობა გააჩნია. საქართველოს ენერგეტიკის შიდა წარმოების 80% განახლებად ელექტროენერგიას წარმოადგენს. საქართველოს ბუნებრივი გარემო ქვეყნის ენერგო სექტორის დივერსიფიცირების საშუალებას იძლევა, მათ შორის ისეთი ენერგიის წარმოების, როგორიც არის ე.წ. “სუფთა“ (მწვანე) წყალბადი. საქართველო საერთაშორისო ენერგეტიკული თანამეგობრობის წევრი და ევროკავშირთან ასოცირებული ქვეყანაა. ქვეყნის ენერგეტიკული სექტორის რეფორმები საერთაშორისო ენერგეტიკული თანამეგობრობის პრინციპებსა და კლიმატის ცვლილების წინააღმდეგ დასახულ საერთაშორისო მიზნებს ეყრდნობა. საქართველოს ბუნებრივი გარემო, სტრატეგიული პრიორიტეტები და საერთაშორისო ვალდებულებები თანხვედრაშია იმ საერთაშორისო იმპულსთან, რომელიც განაპირობებს გლობალურ ენერგეტიკულ გადასვლას სუფთა და განახლებადი ენეგრო წყაროების გამოყენებისაკენ. ეს გლობალური ტენდენცია წარმოადგენს ქვეყანაში წყალბადის სექტორის განვითარებისათვის უმნიშვნელოვანეს საფუძველს.